Daxili siyasət

Ana səhifə

Daxili siyasət

Bakıda Azərbaycanla Rusiya arasında təhlükəsizlik məsələləri ilə bağlı məsləhətləşmələr keçirilib

26 iyul 2007 15:56 (UTC +04:00)

APA-nın xəbərinə görə, diplomatlar jurnalistlərə verdikləri açıqlamada bildiriblər ki, bu, son iki ayda keçirilən ikinci məsləhətləşmədir. A. Əzimov müzakirə olunan məsələlərin ikitərəfli əlaqələrin çərçivəsini aşdığını deyib. O, beynəlxalq, regional və strateji təhlükəsizliyin müxtəlif aspektlərinə toxunduqlarını söyləyib. S. Kislyak isə danışıqların çox faydalı olduğunu və prosesləri dərin təhlil etdiklərini vurğulayıb: “Biz raket hücumundan müdafiə məsələsini, o cümlədən Vladimir Putinin bu yaxınlarda irəli sürdüyü təklifi müzakirə etdik. Bir çox məsələ hələ amerikalı tərəfdaşlarımız və maraqlı tərəflərlə müzakirə olunacaq”. A. Əzimov isə danışıqlarda münaqişələrin həlli, əməkdaşlığın forma və çərçivəsinə də diqqət yetirdiklərini bildirib. /APA/