ABŞ və Britaniya Natiq Cəfərlinin həbsindən narahatdır - YENİLƏNİB

ABŞ və Britaniya Natiq Cəfərlinin həbsindən narahatdır - <span style="color: red;">YENİLƏNİB
# 17 avqust 2016 15:13 (UTC +04:00)

Bakı. Məlahət Nəcəfova - APA. Böyük Britaniya hökuməti REAL hərəkatının icra katibi Natiq Cəfərlinin və son zamanlar bir sıra siyasi müxalif şəxslərin həbs olunmasından narahatdır.

APA-nın məlumatına görə, bu barədə Böyük Britaniya hökumətinin Avropa və Amerika naziri Alan Dunkanın bəyanatında deyilir.

“Mən Azərbaycanı beynəlxalq öhdəliklərini yerinə yetirməyə, insan haqları və qanunun aliliyi sahəsində göstəricilərini artırmağa çağırıram”, - deyə bəyanatda qeyd olunur.

***

saat 11.01

Bakı - APA. "REAL Hərəkatının icraçı katibi Natiq Cəfərlinin həbs olunması xəbəri ABŞ-ı narahat edib. Həmçinin digər bir neçə fəalın Azərbaycanda həbs olunması bizi narahat edir".

ABŞ-ın Azərbaycandakı səfirliyindən APA-ya verilən məlumata görə, bu barədə ABŞ Dövlət Departamentinin sözçüsünün müavini Mark Tonerin bəyanatında deyilir.

Bəyanatda qeyd olunur ki, ABŞ Azərbaycan hökumətini fundamental hüquqlardan yararlanmalarına görə həbs olunan fəalları azadlığa buraxmağa və vətəndaşların fundamental hüquqlarına hörmətlə yanaşmağa çağırır.

"Biz Azərbaycan hökumətini, xüsusilə 26 sentyabr Konstitusiya referendumu ərəfəsində dövlətin tutduğu istiqamətə dair açıq ictimai dialoqun inkişafına imkan yaratmağa çağırır, Konstitusiya dəyişikliklərınə dair birgə rəyin alınması üçün onları Venesiya Komissiyası və ATƏT-ın Demokratik Təsisatlar və İnsan Haqları Ofisinə təqdim etməyə təşviq edirik", - deyə bəyanatda vurğulanır.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR