İranda zəlzələ bölgəsində axtarış-xilasetmə tədbirləri başa çatmaq üzrədir

iranda zelzele bolgesinde axtaris xilasetme tedbirleri basa catmaq uzredir

Zəlzələ bölgəsində axtarış-xilasetmə tədbirləri başa çatmaq üzrədir.

 

Bunu APA-nın Tehran bürosuna açıqlamasında İranın Qırmızı Aypara Cəmiyyətinin mətbuat xidmətinin rəhbəri İsmayıl Ramazani  deyib.

 

İ. Ramazani deyib ki,  indiyədək  zəlzələ bölgəsində  Qırmızı Aypara Cəmiyyəti tərəfindən 70 min nəfər müvəqqəti sığınacaqlara yerləşdirilib: “Ümumilikdə 130 min nəfər zəlzələdən əziyyət çəkib və onlara yardım edilir.  Cəmiyyətimiz zəlzələdən ziyan görmüş insanlara  50 min çadır paylayıb.  Bu gündən isə zərərçəkənlərə qida paketləri paylanılacaq”.

 

İ. Ramazani həmçinin zəlzələ bölgəsinə lazımı yardımların göndərildiyini, digər ölkələrdən yardıma ehtiyacın olmadığını bildirib: “Ölkədə zəlzələdən əziyyət çəkənlərin ehtiyaclarını təmin etməkdə heç bir çətinliyimiz yoxdur. Bütün lazımi mallar anbarlarda mövcuddur və  zəlzələ bölgəsinə göndərilir.  Əsas problem yardımların paylanmasındadı.  Zəlzələnin baş verdiyi ərazi böyük olduğu üçün yardımları vaxtında çatdırmaqda çətinliklər yaşanır”.

 

İ. Ramazanı noyabrın 15-də Azərbaycanda baş vermiş zəlzələnin İranın Ərdəbil əyalətinin Parsabad bölgəsində də hiss olunduğunu bildirərək qeyd edib ki,  heç bir itki baş verməyib, bəzi yerlərdə evlərdə çatlar əmələ gəlib. 

 

Qeyd edək ki,  noyabrın 12-də  İraq-İran sərhədində baş vermiş 7,3 bal gücündə zəlzələ nəticəsində 433 nəfər həlak olub, 7817 nəfər yaralanıb.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • bakida ressam leyla sahbazovanin ferdi sergisi acilib
    Bakıda rəssam Leyla Şahbazovanın fərdi sərgisi açılıb...
  • bineqedide avtomobil temiri sexinde yangin olub
    Binəqədidə avtomobil təmiri sexində yanğın olub
bineqedide avtomobil temiri sexinde yangin olub bineqedide avtomobil temiri sexinde yangin olub +2
MƏZƏNNƏ
FOREX
/ 16 Dekabr, 2017

USD
1.7001
 
EUR
2.0032
 
RR
0.0289