Batumidə baş verən iğtişaşlar zamanı azı 20 nəfər xəsarət alıb

Gürcüstanın Batumi şəhərində etiraz aksiyası zamanı baş verən qarşıdurma nəticəsində azı 20 nəfər xəsarət alıb, onlardan 11-i polis əməkdaşı, biri isə deputatdır. APA-nın Gürcüstanın “Birinci kanalına” istinadən verdiyi xəbərə görə, bu barədə Acarıstan bölgəsinin səhiyyə naziri Zaal Mikeladze bildirib.

 

Yerli telekanalların məlumatına görə, xüsusi təyinatlılar Acarıstan Daxili işlər Baş İdarəsinin binasına daxil olmağa səy göstərən etirazçılara qarşı  gözyaşardıcı qazdan və rezin güllələrdən istifadə edib.   

 

“Respublika Xəstəxanasına 11 nəfər yerləşdirilib, onlardan 5-i polis əməkdaşıdır, üç nəfər qazdan zəhərlənmə simptomları ilə daxil olub. İki nəfər ambulator müalicəyə buraxılıb. Altı nəfərdə yüngül travmalar müəyyən edilib... Referal Klinikaya 10 pasiyent müraciət edib, onlardan 6-sı polisdir... Deputat İrakli Çeişvili başından ciddi xəsarət alıb. Onun sözlərinə görə, üzünə böyük daş dəyib”, - deyə Zaal Mikeladze “Birinci Kanal”ın efirində bildirib.

 

Məlumata görə, etirazçılar  Acarıstan Daxili İşlər Baş İdarəsinin binası qarşısında üç polis avtomobilini yandırıblar.

 

“Rusitavi-2” telekanalı canlı efir vasitəsilə hadisə yerində baş verənləri işıqlandırır. Batuminin mərkəzində vəziyyət hazırda gərgin olaraq qalmaqdadır. Aksiya iştirakçıları polis maşınlarını daş-qalaq edir, ağaclara od vururlar, polis əməkdaşları etirazçılara qarşı gözyaşardıcı qazdan istifadə edir.   

 

Bu arada ölkə prezidenti Georgi Marqvelaşvili hamını sakitliyə çağıraraq, vəziyyətin daha da gərginləşməsinə yol verməməyə çağırıb.   

Qeyd edək ki, Batumidə martın 11-də yol polisi əməkdaşı yol hərəkəti qaydalarını pozduğuna görə sürücünü cərimələyib. Bəzi KİV-lər polisin sürücünü nalayiq sözlərlə təhqir etdiyini iddia edirlər. İnsidentin şahidi olmuş yerli sakinlər sürücünü dəstəkləyərək polis əməkdaşlarına müqavimət göstəriblər. Polisə müqavimət göstərənlərdən 6 nəfər saxlanılsa da, sonradan DİN rəhbərinin göstərişi ilə sərbəst buraxılıblar. İnsidentdən sonra Acarıstan Daxili işlər Baş İdarəsinin binası qarşısında 1000-dək etirazçı toplaşaraq yol polisi rəisi Malxaz Batiaşvilinin istefaya göndərilməsini tələb ediblər. Etirazçılar, M.Batiaşvilinin yol polisi rəisi təyin olunduqdan sonra cərimələrin məbləğinin artırıldığını iddia edirlər.     

BÖLMƏDƏN DİGƏR XƏBƏRLƏR

XƏBƏR LENTİ

Video
12:08 22 Avqust
TOP 5

VİDEO XƏBƏRLƏR

FOTO XƏBƏRLƏR

  • taninmis meyxana ustasi bayram kurdexanili avtomobil vurmasi neticesinde olub
    Tanınmış meyxana ustası Bayram Kürdəxanılı avtomobil vurması...
  • mingecevirde 8 yasli oglan evin 2 ci mertebesinden yixilaraq agir xesaret alib
    Mingəçevirdə 8 yaşlı oğlan evin 2-ci mərtəbəsindən yıxılaraq...
mingecevirde 8 yasli oglan evin 2 ci mertebesinden yixilaraq agir xesaret alib mingecevirde 8 yasli oglan evin 2 ci mertebesinden yixilaraq agir xesaret alib +2
MƏZƏNNƏ
FOREX
/ 23 Avqust, 2017

USD
1.7008
 
EUR
2.0081
 
RR
0.0288
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ