Ərdoğan: “Qərb terror təşkilatları üzərindən islam dünyasını ləkələməyə çalışır”

erdogan qerb terror teskilatlari uzerinden islam dunyasini lekelemeye calisir

“Müsəlmanlar 11 sentyabr hadisəsindən sonra sistemli hücumlarla üzləşirlər”. 

 
APA-nın Türkiyənin NTV telekanalına istinadən verdiyi məlumata görə, bunu bu gün Türkiyə prezidenti Rəcəb Tayyib Ərdoğan müsəlman azlıqlarla bağlı keçirilən tədbirdə bildirib. 

 
Türkiyə prezidenti deyib ki, İŞİD, “Boko Haram” kimi terror təşkilatları islam dünyasına zərər vurur: “Bizə deyirlər ki, bəs islamın barış dini olduğunu deyirdiniz, onlar islam adı ilə insanları öldürür. Bir çox Qərb ölkəsi də daxili problemlərini pərdələmək üçün bu yanğına benzin tökürlər. Ən dəhşətli qətliamları həmin Qərb ölkələri həyata keçiriblər, indi bizə ağıl öyrədirlər. Keçən dəfə onlardan birinə dedim ki, siz Əlcəzairdə 5 milyon insanı qətlə yetirdiniz, indi Suriya ilə bağlı bizə ağır verirsiniz. Ruandada, başqa yerlərdə də belə qətliamlar törədiblər, buna görə cavab veriblər?”.

 

O qeyd edib ki, Qərb dünyası terror təşkilatları üzərindən islam dünyasını ləkələməyə çalışır: “Neofaşist partiyalarının Qərbdə hakimiyyətə gəlməyə başlamasının də səbəbi budur. Müsəlmanların evləri, məscidləri anti-islamçı qrupların hədəfi olur. Almaniya, Hollandiya, Belçika və Fransada müsəlmanlara hücumlar davam edir. Başına örtük taxan qadınlar təhqirlərə məruz qalırlar. Belə ölkələrdən biri Fransadır. Fransa qaraçıları da ölkədən çıxarıb. Bu, açıq formada insan hüquqlarına, hüquq normalarına ziddir”. 
  

Ərdoğan bildirib ki, Qərb ölkələri bir sıra ölkələrdə müsəlman azlıqlara qarşı etnik təmizləmə aparıldığını görmürlər.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • tbilisinin meshur restoranlarindan birinde yangin bas verib yenilenib
    Tbilisinin məşhur restoranlarından birində yanğın baş verib ...
  • beynelxalq sergiler burosu missiyasinin bakiya seferinin yekunlarina dair metbuat konfransi kecirilib
    Beynəlxalq Sərgilər Bürosu missiyasının Bakıya səfərinin yek...
beynelxalq sergiler burosu missiyasinin bakiya seferinin yekunlarina dair metbuat konfransi kecirilib beynelxalq sergiler burosu missiyasinin bakiya seferinin yekunlarina dair metbuat konfransi kecirilib +2
MƏZƏNNƏ
FOREX
/ 20 Aprel, 2018

USD
1.7
 
EUR
2.1043
 
RR
0.028