Ermənistan martda Türkiyəyə elektrik enerjisinin ixracına başlayır

Ermənistan martda Türkiyəyə elektrik enerjisinin ixracına başlayır
# 24 noyabr 2008 13:30 (UTC +04:00)
Bakı. Rəşad Süleymanov – APA-Economics. Ermənistan 2009-cu ilin mart ayının 1-dən Türkiyəyə elektrik enerjisinin ixracına başlamaq niyyətindədir. «APA-Economics»in «Arka» agentliyinə istinadən verdiyi məlumata görə, bunu Ermənistanın energetika və təbii ehtiyatlar naziri Armen Movsisyan bildirib.
A.Movsisyanın sözlərinə görə, bununla bağlı Ermənistanın Energetika və Təbii Ehtiyatlar Nazirliyi və «Yüksək Gərginlikli Elektrik Şəbəkəsi» Dövlət Şirkəti ilə Türkiyənin enerji idxalı və paylanması ilə məşğul olan «Unit» şirkəti arasında müqavilə imzalanıb.
Müqavilənin şərtlərinə görə, Türkiyə tərəfi 6 ay ərzində yarımstansiyaların və elektrik ötürücü xətlərin bərpası, həmçinin elektrik enerjisinin idxalı və lisenziya məsələlərini həll etməlidir.
İlkin razılaşmaya əsasən, Ermənistan Türkiyəyə ildə 1,5 mlrd. kVt/saat elektrik enerjisi satacaq. Növbəti illərdə isə bu həcm 3,5 mlrd. kVt/saata çatdırılacaq.
#
#

ƏMƏLİYYAT İCRA OLUNUR