«Azərikimya» İstehsalat Birliyi müsabiqə yolu ilə 20-yə yaxın gənc mütəxəssisi işə götürüb

«Azərikimya» İstehsalat Birliyi müsabiqə yolu ilə 20-yə yaxın gənc mütəxəssisi işə götürüb
# 03 yanvar 2011 10:36 (UTC +04:00)
Bakı. Elnur Hüseynquluyev – APA-Economics. Azərbaycan Dövlət Neft Şirkəti (ARDNŞ) «Azərikimya» İstehsalat Birliyinin müəssisələrində çalışmaq istəyən gənc mütəxəssislərin işə qəbulu ilə bağlı keçirdiyi müsabiqənin nəticələrini açıqlayıb.

ARDNŞ-dan «APA-Economics»ə verilən məlumata görə, «Azərikimya»nın müəssisələrində daha çox ehtiyac duyulan mexanika, energetika, avtomatika və texnologiya bölmələri üzrə işləmək üçün müraciət etmiş 200-ə yaxın gənc kadrdan test müsabiqəsində daha çox bal toplayan 30 nəfəri ikinci tura buraxılıb.

İkinci mərhələdə «Azərikimya»nın mütəxəssislərindən təşkil olunmuş xüsusi komissiya iddiaçılarla fərdi sınaq-yoxlamasından sonra xüsusi fəallığı və biliyi ilə fərqlənən 20-yə yaxın gənc kadrın işə qəbul edilməsinə müsbət rəy verib.
#
#

ƏMƏLİYYAT İCRA OLUNUR