Bakı. Cavid Zeynallı – APA. Bakı Şəhər Mədəniyyət və Turizm Baş İdarəsinin Bakı Uşaq Teatrı Türkiyədə 15-30 noyabrda keçiriləcək XI Beynəlxalq Bilecik Teatr festivalına dəvət alıb.
İdarədən APA-ya verilən məlumata görə, festival rəhbəri Ercument Doğan 2013- cü ildə “Türk Xalqlarının Teatrı” layihəsi çərçivəsində uğur qazanmış “Sıravi Dursun” tamaşasını festivalda oynanılan tamaşalar sırasında görmək istəyini bildirib.
S. M. Qənizadənin “Dursunəli Ballıbadı” pyesi əsasında İntiqam Soltanın səhnələşdirdiyi “Sıravi Dursun” dramı hərbi xidmətdən yayınmaq istəyən, min bir bəhanə ilə uzun müddət tibb məntəqəsində qalan Dursundan bəhs edir.
Dramın məqsədi gənclərə vətənpərvərlik hissinin aşılanmasıdır.
Pyesin quruluşçu rejissoru İntiqam Soltan, rəssamı Sevda Məmmədova, bəstəkarı Mahir İbrahimli, musiqi tərtibatçısı Rauf Hüseynlidir.
Rolları Cavanşir Məhərrəmov, İntiqam Soltan, Şahin Kazımov, Türkan Şahmarlı, Rauf Hüseynli, Rəfael Muradxanlı və başqa aktyorlar ifa edirlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
