Bakı-APA. Nepalda yoxa çıxan təyyarənin qəzaya uğradığı məlum olub. APA-nın xəbərinə görə, dağlıq ərazidə itən təyyarənin qalıqları tapılıb.
Təyyarənin havaya qalxandan 18 dəqiqə sonra qəzaya uğradığı, içərisində olan 23 nəfərin hamısının öldüyü bildirilir. Onların hamısının meyiti yanaraq, kömürləşib. Ölənlərin 2 nəfərinin əcnəbi (Çin və Küveyt vətəndaşları), digərlərinin yerli sakinlər, 2-nin isə uşaq olduğu bildirilir. Təyyarədə olanların 20 nəfəri sərnişin, 3 nəfəri ekipaj üzvü olub.
***
10.16
Bakı - APA. Nepal dağlarında təyyarə yoxa çıxıb.
APA-nın "Sinxua" agentliyinə istinadən verdiyi məlumata görə, "Tara Airlines" aviaşirkətinə məxsus, Pokhardan Comsoma uçan təyyarə ilə əlaqə fevralın 24-də səhər saatlarında itib.
"Twin Otter" təyyarəsinin göyərtəsində 18 sərnişin, 3 ekipaj üzvü olub.
Yerli məmurların bildirdiyinə görə, təyyarənin pis hava şəraitində dağlarda qəzaya uğradığı ehtimal olunur.
Axtarışlara vertolyotlar cəlb olunsa da, hava şəraiti axtarış işlərini çətinləşdirir.
Pokhar-Comsom arasında məsafə 50 km-dir, qrafik üzrə uçuş 18 dəqiqə çəkir. Dağlıq ərazilərə səyahət edənlər Comcomdan yola salınır. İki aeroport arasında uçuş-enmə zolağı yoxdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
