Əli Həsənov Yaponiya şirkətlərini Cənub Qaz Dəhlizində iştirak etməyə çağırıb

Əli Həsənov Yaponiya şirkətlərini Cənub Qaz Dəhlizində iştirak etməyə çağırıb
# 14 mart 2016 08:16 (UTC +04:00)

Bakı. Yeganə Laçınzadə - APA-Economics. Azərbaycan prezidentinin ictimai-siyasi məsələlər üzrə köməkçisi Əli Həsənov Yaponiya şirkətlərini Azərbaycan qazının Avropaya nəqlini nəzərdə tutan Cənub Qaz Dəhlizi layihəsində iştirak etməyə çağırıb.


"APA-Economics" xəbər verir ki, bu barədə Ə. Həsənov Yaponiyanın “Jiji Press” nəşrinə müsahibəsində deyib.


"Azərbaycan yapon şirkətlərinin Xəzər dənizində fəaliyyətlərini genişləndirəcəyinə ümid edir", - deyə prezidentin köməkçisi bildirib.

Cənub Qaz Dəhlizi "Şahdəniz" yatağının işlənməsi üzrə "Mərhələ-2" çərçivəsində hasil edilən Azərbaycan qazının Türkiyə vasitəsilə Avropaya nəqli üçün boru kəməri infrastrukturunun yaradılmasını nəzərdə tutur.

Layihənin əsas komponentləri bunlardır: “Şahdəniz” layihəsi üzrə “Mərhələ-2”, Bakı-Gürcüstan-Türkiyə sərhədi Cənubi Qafqaz boru kəməri magistralının genişlənməsi, Trans-Anadolu qaz kəmərinin (TANAP) və Trans-Adriatik qaz kəmərinin (TAP) tikintisi.

#
#

ƏMƏLİYYAT İCRA OLUNUR