İslandiyada vulkan püskürüb, ölkənin cənubunda fövqəladə vəziyyət elan olunub - YENİLƏNİB

İslandiyada vulkan püskürüb, ölkənin cənubunda fövqəladə vəziyyət elan olunub - YENİLƏNİB
# 17 mart 2024 17:08 (UTC +04:00)

Reykjanes yarımadasında növbəti - dekabrdan bəri dördüncü vulkan püskürməsindən sonra İslandiyanın cənubunda fövqəladə vəziyyət elan edilib.

APA-nın BBC-yə istinadən verdiyi xəbərə görə, lava əhalisi təxliyə edilmiş kiçik Qrindavik şəhərinin şərqinə çatıb.

Qeyd edək ki, vulkan püskürməsi dünən yerli vaxtla saat 20.00-da başlayıb. İslandiya Meteorologiya İdarəsi püskürən lavanın həcminin və lava axınının sürətinin hazırda azalmasının müşahidə olunduğunu açıqlayıb. İslandiyanın mülki müdafiə qurumunun direktoru Vidir Reynisson lava axınına qarşı mümkün olan hər şeyin edildiyini, ancaq ən böyük narahatlığın lavanın infrastruktura təsir ilə bağlı olduğunu qeyd edib.

***

saat 02.25

İslandiyanın Reykjanes yarımadasında vulkan püskürüb.

APA xəbər verir ki, bu barədə “Iceland Monitor” məlumat yayıb.

Hadisə ilə əlaqədar yerli hökümət Qrindavik şəhərinin sakinlərini təxliyə edir.

Xatırladaq ki, analoji hadisə səbəbindən martın 2-də də Qrindavik sakinləri təxliyə edilmişdi.

#
#

ƏMƏLİYYAT İCRA OLUNUR