Bakı Şəhəri üzrə Təhsil İdarəsində ümumi təhsil məktəblərinə yeni təyin olunan direktorlar ilə görüş keçirilib. Təhsil İdarəsindən PA-ya verilən xəbərə görə, görüşdə idarənin müdiri Məhəbbət Vəliyeva müsabiqə nəticəsində seçilən məktəb direktorlarını təbrik edib və onlara üzərilərinə düşən şərəfli və məsuliyyətli işdə uğurlar arzulayıb. İdarə müdiri prezidenti İlham Əliyevin son illər ərzində təhsilə göstərdiyi diqqət və qayğıdan, təhsil sahəsində aparılan islahatlardan danışıb. Təhsilin keyfiyyətinin yaxşılaşdırılmasının və təhsili idarəetmə sisteminin təkmilləşdirilməsinin əsas hədəflərdən olduğunu xatırladan M.Vəliyeva direktorların qarşısında duran vəzifələrə diqqət çəkib.
Daha sonra BŞTİ-nin sektor müdirləri tərəfindən yeni təyin olunan məktəb direktorlarına tədrisin təşkili, idarəetmə, kadr münasibətlərinin tənzimlənməsi, kargüzarlıq, ictimaiyyətlə əlaqələr, məktəbdənkənar fəaliyyətin təşkili və digər məsələlər barədə tövsiyələr verilib, onları maraqlandıran suallara aydınlıq gətirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
