“AtaBank”da əhalinin əmanətləri artıb

“AtaBank”da əhalinin əmanətləri artıb
# 09 avqust 2016 09:57 (UTC +04:00)

Bakı. Musa Əhmədov – APA-Economics. “AtaBank”ın aktivlərinin həcmi 2016-cı ilin II rübündə 486,749 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 22,71% azdır.

Bankdan “APA-Economics”ə verilən məlumata görə, hesabat dövründə bankın kredit portfeli 21,96% azalaraq 420,150 mln. manat olub. Bu ilin iyulun 1-nə bankın istehlak kreditlərinin həcmi 81,302 mln. manata bərabər olub.

Bankın depozit portfeli hesabat dövrü ərzində 26,14% azalaraq 403,054 mln. manata düşüb, əhalinin əmanətlərinin həcmi isə 219,591 mln. manata bərabər olub ki, bu da illik müqayisədə 5,45% artım deməkdir.

Bir il ərzində bankın məcmu kapitalı 12,48% azalaraq 64,639 mln. manata düşüb, nizamnamə kapitalı dəyişməyərək 50 mln. manat təşkil edib.

Bankın gəlirləri ötən ilin müvafiq dövrünə nisbətən təxminən 24,02% artaraq 32,473 mln. manat, xərcləri isə 25,39% azalaraq 21,923 mln. manata çatıb.

Cari ilin ilk altı ayı ərzində bankın əldə etdiyi mənfəət 10 mln. 550,2 min manat təşkil edib.

Hazırda bankın ölkə üzrə 22 filialı, 4 şöbəsi, 81 bankomatı, 18 974 POS-terminalı fəaliyyət göstərir.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR