Gürcüstanın baş naziri prezidentliyə namizəd olmayacağını bəyan edib

Gürcüstanın baş naziri prezidentliyə namizəd olmayacağını bəyan edib
# 19 yanvar 2018 14:57 (UTC +04:00)

“Prezident seçkisində namizədliyimin irəli sürüləcəyi istisna olunur”.

APA-nın yerli bürosunun məlumatına əsasən, bu barədə Gürcüstanın baş naziri Giorgi Kvirikaşvili ölkənin İctimai televiziyasına deyib.

O bildirib ki, hakim partiya prezidentliyə namizədlə bağlı hələ qərara gəlməyib: “Bu məsələ hazırda ilkin söhbətlər səviyyəsindədir.”.

G.Kvirikaşvili deyib ki, hökumət komandası ilə ölkədə müsbət dinamikanı təmin edən proqram həyata keçirir: “Bu proqramın uğurla yerinə yetirilməsi üçün tam konsolidasiya və başlanmış işlərdə əhəmiyyətli nəticələr əldə etmək lazımdır. Bu halda prezidentliyə namizədliyimin nəzərdən keçirilməsi yersiz və mənim üçün maraqlı deyil.”.

Qeyd edək ki, Gürcüstan KİV-də hakim “Gürcü Arzusu” partiyasında prezidentliyə baş nazir Giorgi Kvirikaşvili və əmək, səhiyyə və sosial müdafiə naziri David Sergeyenkonun namizədliklərinin nəzərdən keçirildiyi barədə məlumatlar yayılıb.

D.Sergeyenko da dövlət başçısı vəzifəsinə onun namizədliyi məsələsinin müzakirə olunmadığını deyib.

Gürcüstanda prezident seçkisi cari ilin oktyabrında keçiriləcək.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR