Əmək və Əhalinin Sosial Müdafiəsi Nazirliyi (ƏƏSMN) ilə BMT-nin İnkişaf Proqramının birgə icra etdiyi “Əhalinin sosial cəhətdən həssas qrupları üçün inklüziv və layiqli iş yerlərinin yaradılması” layihəsi çərçivəsində əlilliyi olan şəxslər üçün kiçik bizneslərin qurulması işləri davam edir.
ƏƏSMN-dən APA-ya verilən məlumata görə, layihə əsasında Zaqatala rayonunda da bu kateqoriyadan olan bir qrup əlilliyi olan şəxsə arıçılıq üzrə kiçik bizneslərini yaratmaları üçün aktivlər (arı ailələri, zəruri ləvazimatlar) təqdim edilib.
Bundan əvvəl isə layihə çərçivəsində Şəmkir rayonunda əlilliyi olan şəxslərə aktivlər verilib. Ümumilikdə layihə pilot olaraq müəyyən edilmiş 12 şəhər və rayonda 500 nəfər əlilliyi olan şəxsin kiçik biznesə çıxışına şərait yaradılmasını nəzərdə tutur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
