Bakıda 85 yaşlı kişini qətlə yetirən Sakit Mirzəyev barəsindəki hökmdən apelyasiya şikayəti verib.
APA-nın məlumatına görə, şikayət Bakı Apelyasiya Məhkəməsində hakim İlqar Murquzovun icraatına verilib.
Məhkəmə baxışı iyulun 3-ə təyin edilib.
Qeyd edək ki, hadisə ötən il avqustun 20-də Sabunçu rayonunda baş verib. 1933-cü il təvəllüdlü Tağı-zadə Əkrəm Hüseyn oğlu Yeni Ramana qəsəbəsindəki torpaq sahəsində tikintisi yarımçıq qalmış evdə qətlə yetirilib. 85 yaşlı kişinin kəlbətinlə qətlə yetirildiyi məlum olub. Əməliyyat-axtarış tədbirləri nəticəsində polis sözügedən qəsəbənin sakini, Ə. Tağı-zadənin qonşusu, 1982-ci il təvəllüdlü Mirzəyev Sakit Bəhlul oğlunu saxlayıb. S. Mirzəyev Bakı Ağır Cinayətlər Məhkəməsinin hökmü ilə 18 il müddətinə azadlıqdan məhrum edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
