AİBA prezidenti: “Azərbaycandakı dünya çempionatına 100-dən artıq ölkənin qatılacağına ümid edirəm”

AİBA prezidenti: “Azərbaycandakı dünya çempionatına 100-dən artıq ölkənin qatılacağına ümid edirəm”
# 31 yanvar 2011 14:08 (UTC +04:00)
Bakı – APA. “Azərbaycanda keçiriləcək dünya çempionatı təkcə AİBA üçün böyük yarış deyil. Bu, həm də 2012-ci ildə Londonda keçiriləcək Olimpiadaya lisenziya xarakteri daşıyır. Bu mötəbər turnirə minimum 100 ölkənin qatılacağına ümid edirəm”. Apasport.az saytının məlumatına görə, bu sözləri Beynəlxalq Həvəskar Boks Assosiasiyasının (AİBA) prezidenti Çinq-Kuo Vu deyib.

O, rəhbəri olduğu assosiasiya və Azərbaycan Boks Federasiyası arasında Bakıda keçiriləcək dünya çempionatı ilə bağlı müqavilənin imzalanması mərasimində çıış edib: “Bizim Azərbaycana ümidimiz və güvənimiz böyükdür. Azərbaycan Boks Federasiyasının prezidenti Kamaləddin Heydərova təşəkkür edirəm. O, Azərbaycanda hörmət bəslənilən adamlardandır. Heydərov federasiya prezidenti kimi də nüfuza malikdir. Onun rəhbərliyi altında nə qədər beynəlxalq turnirin Azərbaycanda təşkil olunduğunuz özünüz görürsünüz”.

Çinq-Kuo Vu Azərbaycan boksunun uğurlarından da danışıb: “Dünya çempionatı ilə yanaşı “Baku Fires” komandası haqda da danışmaq vacibdir. Azərbaycanın bu komandası beynəlxalq arenada gözəl çıxış edir. Onlar hələ uduzmayıblar. Keçirdikləri bütan oyunlarda qələbə qazanıblar”.”
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR