FİFA hakimi Fariz Yusifov iki oyunluq diskvalifikasiya edilib

FİFA hakimi Fariz Yusifov iki oyunluq diskvalifikasiya edilib
# 21 sentyabr 2007 14:23 (UTC +04:00)
FİFA hakimi Fariz Yusifov cəzalandırılıb. “APA-Sport” agentliyinin məlumatına görə, AFFA Hakimlər Komitəsi onu XVI milli çempionatın son turunda idarə etdiyi “Neftçi” “Standard” görüşündə buraxdığı səhvə görə, iki oyunluq cəzaya məruz qoyub. Baş hakim matçın 56-cı dəqiqəsində hesab 2:1 “Neftçi”nin xeyrinə olarkən, komandanın kapitanı Rəşad Sadıqova qırmızı vərəqə göstərməli imiş. Ancaq F.Yusifov R.Sadıqovun “Standard”ın braziliyalı futbolçusu Leonardo da Silva Roşa ilə mübarizədə kobud oyununu sarı vərəqə kimi qiymətləndirib. “Standard”ın bununla bağlı şikayətinə baxan AFFA-nın Ekspert Komissiyası hakimin səhv qərar çıxarması ilə bağlı Hakimlər Komitəsinə müraciət edərək, məsələyə baxılmasını istəyib. F.Yusifov cari çempionatda Anar Niyazov və Ceyhun Haşımovdan sonra cəzalanan üçüncü hakim olub. /APA-Sport/
#
#

ƏMƏLİYYAT İCRA OLUNUR