ABŞ dünya iqtisadi böhranın səbəbkarı olduğunu etiraf edib

ABŞ dünya iqtisadi böhranın səbəbkarı olduğunu etiraf edib
# 23 aprel 2009 13:17 (UTC +04:00)
Bakı. Vahab Rzayev – APA-Economics. ABŞ-ın maliyyə naziri Timoti Qeytner etiraf edib ki, hazırda yaşanan dünya iqtisadi böhranın yaranmasında əsas məsuliyyət ABŞ üzərinə düşür. «APA-Economics»in «Associated Press» agentliyinə istinadən verdiyi xəbərə görə, T.Qeytner vurğulayıb ki, «Böhran məhz ABŞ-da başlayıb və yalnız sonra bütün dünyaya yayılıb, bu da müasir dünya üçün heç vaxt məruz qalmadığı iqtisadi və maliyyə sınağıdır».
ABŞ maliyyə nazirinin sözlərinə görə, hazırda bütün dünyanın ABŞ iqtisadiyyatı və maliyyə sisteminin bərpasında ehtiyacı var, yalnız bu təqdirdə dünya iqtisadiyyatının sağlamlaşmasını gözləmək olar. «Lakin unutmaq olmaz ki, tarazlaşdırılmış bərpaetmə digər ölkələrin Amerika istehlakçılarından asılı ola bilməməsi deməkdir» - deyən T.Qeytner dünya iqtisadiyyatının ABŞ istehlakçıları hesabına bərpasını yolverilməz hesab etdiyini vurğulayıb.
ABŞ maliyyə nazirinin hesablamalarına görə, son zamanlar ölkə iqtisadiyyatının sabitləşməsinin ilk əlamətləri görünməyə başlayıb ki, bu da əsasən maliyyə şərtlərinin yaxşılaşmasında və sənaye istehsalının azalma tempinin ləngiməsində öz əksini tapıb.
Bundan başqa, T.Qeytner Beynəlxalq Valyuta Fondunun dünya iqtisadiyatının azalmasına dair son proqnozuna (son 60 ildə ilk dəfə olaraq 2009-cu ildə dünya ÜDM-i 1,3% azalacaq) münasibət bildirib. Nazirin sözlərinə görə, dünya ÜDM-in bu dərəcədə azalması nəticəsində itkilər 3-4 trln. dollar təşkil edəcək. Həmçinin, T.Qeytner böhran nəticəsində dünya maliyyə sisteminin itkilərini təxminən 4 trln. dollar səviyyəsində proqnozlaşdırır.
#
#

ƏMƏLİYYAT İCRA OLUNUR