Azərbaycan Astanada keçirilən beynəlxalq mikromaliyyə konfransında iştirak edir

Azərbaycan Astanada keçirilən beynəlxalq mikromaliyyə konfransında iştirak edir
# 26 may 2010 08:22 (UTC +04:00)
Bakı. Nicat Mustafayev – APA-Economics. Bu gün Astanada (Qazaxıstan) Mərkəzi Asiya və Şərqi Avropa Mikromaliyyə Mərkəzinin təşkilatçlığı ilə XIII Beynəlxalq Mikromaliyyə Konfransı işə başlayıb.

«APA-Economics»in Qazaxıstan İqtisadi İnkişaf və Ticarət Nazirliyinə istinadən verdiyi məlumata görə, tədbirdə 50 ölkədən 400-dən artıq nümayəndə iştirak edir. İştirakçılar sırasında beynəlxalq maliyyə institutları, mikromaliyyə mütəxəssisləri, «Citigroup», «Deutsche Bank» və s. bu kimi təşkilatların nümayəndələri var.

Konfransın keçirilməsində əsas məqsəd iştirakçıların potensial investorlarla görüşlərin, eyni zamanda ölkələr arasında təcrübə mübadiləsinin təşkilidir.

Bundan başqa, konfrans çərçivəsində mikromaliyyə mütəxəssislərinin iştirakı ilə plenar sessiyalar, dəyirmi masalar, texniki seminarlar və investorlar yarmarkası keçiriləcək.

Sözügedən konfransda Azərbaycan Mikromaliyyə Assosiasiyasının (AMA) nümayəndə heyəti də iştirak edəir.

AMA-dan «APA-Economics»ə verilən məlumata görə, konfransda Azərbaycanı AMA-nın icraçı direktoru Jalə Hacıyeva və AMA-nın proqram koordinatoru Vüsalə Qarayevə təmsil edir.

Qeyd edək ki, XIII Beynəlxalq Mikromaliyyə Konfransı mayın 28-də başa çatacaq.
#
#

ƏMƏLİYYAT İCRA OLUNUR