Maliyyə

Ana səhifə

Maliyyə

«Bank Respublika» əmanətlər üzrə uduş kampaniyasının iyun tirajını keçirib

17 iyun 2010 12:20 (UTC +04:00)

Bakı. Elnur Hüseynquluyev – APA-Economics. Azərbaycanın «Bank Respublika» ASC-nin əmanətçiləri arasında keçirdiyi uduş kampaniyasının IV tirajında daha 6 qalib müəyyən olunub.

Bankın baş ofisindən «APA-Economics»ə verilən məlumata görə, bu ilin dekabr ayının 15-dək hər ay keçiriləcək uduş kampaniyasının əsas hədiyyələri ən yüksək - 999,9 əyarlı qızıl külçələrdir.

Kampaniya çərçivəsində hər ay qızıl oynanılır. Əmanət hesabında ən azı 1 il müddətinə 1000 manat (dollar, avro) məbləğində olan hər bir əmanətin sahibi kampaniyanin qalibi ola bilər. Əmanətin hər 1000 manatı (dollar, avro) uduş üçün 1 şans verir. Bankın əməkdaşları və səhmdarlarının əmanətləri kampaniyada iştirak etmir.

Xatırladaq ki, «Bank Respublika» 1992-ci ildən fəaliyyət göstərir. Bankın nizamnamə kapitalında «25% + 1 səhm» iştirak paketi Almaniyanın DEG İnvestisiya Şirkəti və «Sparkassen International Development Trust» şirkətinə məxsusdur.