Maliyyə

Ana səhifə

Maliyyə

«MilliKart» Prosessinq Mərkəzi ötən il plastik kartların emissiyasını 35% artırıb

26 yanvar 2011 09:26 (UTC +04:00)

Bakı. Elnur Hüseynquluyev – APA-Economics. Azərbaycanın «MilliKart» Prosessinq Mərkəzi tərəfindən emissiya olunan aktiv plastik kartların sayı 2011-ci il yanvar ayının 1-nə 162 min ədəd olub ki, bu da 2010-cu ilin əvvəlinə nisbətən 35% çoxdur.

Mərkəzdən «APA-Economics»ə verilən məlumata görə, hesabat ilində «MilliKart» tərəfindən xidmətdə olan bankomatların sayı 29% artaraq 290-a, həmçinin POS-terminalların sayı 52% azalaraq 1200-ə çatıb.

Bu müddət ərzində Mərkəzdə «Visa» kartlarını buraxan bankların sayı 25% artaraq 5-ə çatıb, «MasterCard» kartlarının emissiyasını həyata keçirən bankların sayı isə sabit qalaraq 1 olub.

Qeyd edək ki, 18 bank tərəfindən təsis edilən «MilliKart» MMC 2006-cı ilin oktyabrından fəaliyyət göstərir. Cari ilin yanvar ayının 1-nə şirkətin nizamnamə kapitalı 4 mln. manat təşkil edir. Hazırda «MilliKart» MMC tərəfindən 12 banka xidmət göstərilir.