Maliyyə

Ana səhifə

Maliyyə

Azərbaycanda iki gün ərzində SSRİ banklarında qalmış əmanətlərin qaytarılması üzrə 1,1 mln. manatdan artıq ödəniş edilib

05 iyun 2012 07:30 (UTC +04:00)

“APA-Economics”in məlumatına görə, bunu Azərbaycanın maliyyə naziri Samir Şərifov bildirib.

Onun sözlərinə görə, iyunun 1-dən etibarən sözügedən əmanətlərin geri qaytarılması prosesi başlayıb və iki gün ərzində (iyunun 1-i və 4-də) “Kapital Bank”a 25 min ərizə daxil olub: “Onlardan 10 mini üzrə birdəfəlik ödəmələr həyata keçirilib, qalan 15 mini üzrə isə xüsusi komissiya tərəfindən araşdırmalar aparılır. İki gün ərzində müraciət etmiş əhaliyə 1,1 mln. manatdan çox vəsait ödənilib. Ümumiyyətlə, biz cari ilin sonunadək bütün ərizələrin təqdim olunmasını gözləyirik”.

Nazir onu da bildirib ki, məcburi köçkünlər tərəfindən də müraciətlər var və onlara yeni kitabçaların verilməsi araşdırmalardan sonra - komissiyanın rəyinə əsasən veriləcək.