Maliyyə

Ana səhifə

Maliyyə

«Unibank» istehlak kreditləri üzrə şərtləri sadələşdirib

06 iyun 2012 12:59 (UTC +04:00)

Bakı. Elnur Hüseynquluyev - APA-Economics. «Unibank» ASC 2 500 manata qədər məbləğdə nağd istehlak kreditlərinin girovsuz və zəmanətsiz verilməsinə başlayıb.

Bankın baş ofisindən «APA-Economics»ə verilən məlumata görə, artıq bankdan kreditləri milli valyutada, istənilən istehlak ehtiyaclar üçün 24 aya qədər əldə etmək olar.

İstehlak kreditlərinin ödənilməsinin yeni iki illik müddəti aylıq ödənişlərin məbləğini əhəmiyyəti dərəcədə azaltmağa imkan verir. Bu zaman kreditin məbləği, hər bir borcalanın gəlirindən asılı olaraq fərdi qaydada müəyyən olunur və 300 manatdan 5 000 manatadək təşkil edə bilər. Həmçinin bank tərəfindən əmək stajının müddətinə olan tələb 6 aydan 3 ayadək azaldılıb. Yeni şərtlər «ALKart» kredit xətlərinə də tətbiq olunub.

Bakı və Sumqayıt şəhərləri üçün nağd kreditlər üzrə effektiv faiz dərəcə illik 16-17% təşkil edir. Digər bölgələrdə isə bu kreditlərin real faiz dəyəri 18-19%-ə bərabərdir. Kreditin qaytarılması bərabər (annuitet) ödənişlərlə aparıldığından, borcalanlar üçün xərclərin planlaşdırılması da daha sadə olub. Həmçinin kreditin istənilən zaman, əlavə komissiya haqqı tutulmadan, vaxtından əvvəl ödənilməsi nəzərdə tutulub.