Bu il Azərbaycanda məcburi köçkün sahibkarlara 9,6 mln. manat güzəştli kredit verilib

Bu il Azərbaycanda məcburi köçkün sahibkarlara 9,6 mln. manat güzəştli kredit verilib
# 08 iyun 2012 11:43 (UTC +04:00)
Nazirlikdən «APA-Economics»ə verilən məlumata görə, tədbirdə Füzuli və işğal altında olan digər rayonlardan olan 150-dən çox məcburi köçkün sahibkar iştirak edib.
Tədbir çərçivəsində Fizuli rayonunun iqtisadi potensialına uyğun olaraq, güzəştli kreditlər hesabına maliyyələşdirilməsi məqsədəuyğun hesab olunan müasir çörək istehsalı, süd emalı, üzüm emalı müəssisələrinin və kiçik və orta həcmli üzümçülük təsərrüfatlarının yaradılması üzrə nümunəvi investisiya layihələrinin təqdimatı keçirilib, kiçik həcmli investisiya layihələrinin ümumi dəyərinin 100%-dək hissəsinin dövlətin güzəştli kreditləri hesabına maliyyələşdiriləcəyi bildirilib.
İqtisadi İnkişaf Nazirliyinin Sahibkarlığın inkişafı siyasəti şöbəsinin müdir müavini Elçin İbrahimov və Yuxarı Qarabağ regional bölməsinin müdiri Aslan Aslanov sahibkarlığın inkişafına dövlət dəstəyi mexanizmləri və həyata keçirilən tədbirlər, məcburi köçkünlərin məskunlaşdığı ərazilərdə sahibkarlığın inkişafı istiqamətində görülmüş işlər və nəzərdə tutulan tədbirlər barədə çıxış ediblər.
Öz növbəsində SKMF-ın icraçı direktoru Şirzad Abdullayev Fond tərəfindən verilmiş güzəştli kreditlər hesabına məcburi köçkünlərin məskunlaşdığı ərazilərdə həyata keçirilən layihələr barədə məlumat verib və bildirib ki, bu il ərzində SKMF-ın vəsaitləri hesabına sahibkarlıq subyektlərinin 1 154 investisiya layihəsinin maliyyələşdirilməsinə 102,9 mln. manat güzəştli kredit verilib: «Bu layihələrin reallaşdırılması 4 200-dən çox yeni iş yerinin yaradılmasına imkan verir. Bu il verilmiş güzəştli kreditlərin 9,6 mln. manatı məcburi köçkün sahibkarların payına düşür. Fond tərəfindən bu ilin ötən dövrü ərzində Füzuli rayonunda sahibkarların kiçik və orta həcmli layihələri ilə yanaşı, iri həcmli layihələri də güzəştli qaydada maliyyələşdirilib. Belə ki, rayonun Əhmədbəyli kəndində müasir soyuducu anbar kompleksinin və Qarabağ kəndində quşçuluq fabrikinin inşasına 5,8 mln. manat güzəştli kredit ayrılıb. Bu müəssisələrin 2012-ci il ərzində istifadəyə verilməsi gözlənilir. Bu layihələrin reallaşdırılması nəticəsində 100-ə yaxın yerli sakin işlə təmin olunacaq».
Tədbir çərçivəsində müvəkkil kredit təşkilatları vasitəsilə Füzuli rayonu və işğal altında olan digər rayonlardan olan 50 məcburi köçkün sahibkara 1,2 mln. manat güzəştli kredit vəsaiti verilib. Bu kreditlər hesabına 140-a yaxın yeni iş yerinin yaradılması nəzərdə tutulur.
#
#

ƏMƏLİYYAT İCRA OLUNUR