Azərbaycanda həyat sığorta növləri üzrə ödənişlər 60% artıb

Azərbaycanda həyat sığorta növləri üzrə ödənişlər 60% artıb
# 29 mart 2024 11:55 (UTC +04:00)

2024-cü ilin yanvar-fevral aylarında Azərbaycanda həyat sığortası növlərinin hesabına 87 milyon 75 min manat, qeyri-həyat sığortası növlərinin hesabına isə 103 milyon 972 min manat sığorta haqqı toplanılıb.

APA-Economics” Azərbaycan Mərkəzi Bankına istinadən xəbər verir ki, 2023-cü ilin müvafiq dövrü ilə müqayisədə həyat sığortası üzrə yığımlar 25% və ya 17 milyon 440 min manat, qeyri-həyat sığortası üzrə yığımlar isə 2.1% və ya 2 milyon 179 min manat artıb.

Qeyd edək ki, hesabat dövründə həyat sığorta növləri üzrə ödənişlərin məbləği 60% artaraq 60 milyon 46 min manat, qeyri-həyat sığorta növləri üzrə ödənişlərin həcmi isə 31.2% artaraq 19 milyon 776 min manata bərabər olub.

Beləliklə, cari ilin yanvar-fevral aylarında həyat sığorta bazarında toplanmış hər 100 manat sığorta haqqından 68.9 manat sığorta ödənişi edilib. Bu rəqəm 2023-ci ilin yanvar-fevral aylarında 53.9 manata bərabər olub. Bu ilin ilk 2 ayında qeyri-həyat sığorta bazarında hər 100 manat sığorta haqqına düşən ödənişin məbləği isə 19 manat təşkil edib ki, bu göstərici ötən ilin müvafiq dövründə 14.8 manata bərabər idi.

#
#

ƏMƏLİYYAT İCRA OLUNUR