Hüquqi şəxslərin depozitlərində müşahidə olunan azalmaların ÜDM-nin azalması ilə qəti əlaqəsi yoxdur.
"APA-Economics" xəbər verir ki, bu barədə Azərbaycan Banklar Assosiasiyasının (ABA) prezidenti Zakir Nuriyev Bakıda keçirilən "Beynəlxalq Maliyyə və Bankçılıq Sammiti 2026"da jurnalistlərə açıqlamasında bildirib.
"Bəzi hallarda hesab qalıqları müəyyən tarixlər üzrə izlənilir və bu zaman 7 faizə qədər azalma kimi göstəricilər qeydə alına bilər. Lakin bu, davamlı tendensiyanı əks etdirmir. Çünki müəyyən dövrlərdə aparılan ödənişlər və əməliyyatlar nəticəsində qısamüddətli dəyişikliklər yaranır və növbəti dövrlərdə bu göstəricilər əvvəlki səviyyəyə qayıdır. Buna görə də hüquqi şəxslərin depozitlərindəki bu cür dəyişiklikləri ümumi azalma kimi qiymətləndirmək düzgün deyil və burada hər hansı fundamental mənfi faktor mövcud deyil"- deyə o qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
