Son 4 ildə “Elektron hökumət” portalına 2 milyondan çox şəxs müraciət edib

Son 4 ildə “Elektron hökumət” portalına 2 milyondan çox şəxs müraciət edib
# 10 avqust 2015 08:26 (UTC +04:00)

Bakı. Vüsal Nəbiyev – APA-Economics. Rabitə və Yüksək Texnologiyalar Nazirliyinin (RYTN) Məlumat Hesablama Mərkəzi (MHM) “Elektron hökumət” portalına daxilolmaların növbəti statistikasını təqdim edib.

Nazirlikdən “APA-Economics”ə verilən məlumata görə, statistik uçotun aparıldığı tarixdən - 2012-ci ilin dekabrından cari ilin iyul ayının 31-ə qədər portala daxil olanlar haqda toplanan məlumatlar göstərir ki, portala ümumilikdə 8 mln. 204 min 936 daxilolma qeydə alınıb. Portala müraciət edənlərin ümumi sayı isə 2 mln. 300 min 721 nəfər olub.

Belə ki, 2 mln. 300 min 721 nəfər ümumən 8 mln. 204 min 936 dəfə portala baxıb və 14 mln. 173 min 264 dəfə elektron xidmətlərə müraciət ediblər. Həmin şəxslər 28 mln. 327 min 790 dəfə müxtəlif səhifələrə keçid ediblər və portala sərf etdikləri vaxt ortalama 5 dəqiqə 24 saniyə olub. Ümumilikdə bu gün vətəndaşlarımızın portal marağının artması müşahidə olunmaqla yanaşı, təkrarən portala müraciət edənlərin də kütlə nisbəti artmaqdadır. Bu dövr ərzində portala müraciət edənlərin 28,1%-ni yeni istifadəçilər, 71,9%-ni isə təkrar müraciət edənlər təşkil edib.

İyul ayının statistikasına nəzər salsaq, bu dövrdə portala 874 min 169 daxilolma qeydə alınıb. Portala müraciət edənlərin ümumi sayı isə 319 min 715 nəfər olub.

Həmin şəxslər 2 mln. 437 min 657 olmaqla, müxtəlif səhifələrə keçid ediblər, 1 mln. 401 min 411 xidmətə müraciət edib və portala sərf etdikləri vaxt ortalama 4 dəqiqə 15 saniyə təşkil edib. İyul ayı ərzində portala müraciət edənlərin 25,6%-ni yeni istifadəçilər, 74,4%-ni isə təkrar müraciət edənlər təşkil edib. Portala daxil olmaq üçün sadələşdirilmiş kod-parol alan istifadəçilərin sayı bu gün 266 min 575-ə çatıb.

Azərbaycanda yaşayan və şəxsiyyət vəsiqəsinə sahib olan istənilən vətəndaş kod-parol əldə edə bilər. Portal üzərindən təqdim edilən xidmətlərin sayı 409 olub.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR