Armen Şahgəldiyan: Azərbaycan çempionunu təbrik edirəm

Armen Şahgəldiyan: Azərbaycan çempionunu təbrik edirəm
# 19 yanvar 2011 15:41 (UTC +04:00)
Bakı – APA. “İlk növbədə “İnter”i qələbə münasibəti ilə təbrik edirəm. Komandama gəldikdə, biz buraya yaxşı futbol oynamaq üçün gəlmişdik”. Apasport.az saytının məlumatına görə, bu sözləri Ermənistanın “Mika” klubunun baş məşqçisi Armen Şahgəldiyan deyib.
Erməni çalışdırıcı bildirib ki, “Birlik kuboku”nun 1/4 final mərhələsində Azərbaycan çempionu “İnter”ə 0:4 hesablı məğlubiyyətdə təqsirkar axtarmaq lazım deyil: “Bu günkü görüşdə rəqib bizdən daha hazır idi. Yetirmələrim üçün 4 gün ərzində ardıcıl 4 oyun oynamaq çətindir. Bunu nəzərə almaq lazımdır ki, ilk görüşü biz yarışa gəldiyimiz günün axşamı keçirmişdik. Bu da nəticəyə təsir etdi. Lakin futbol elə futboldur. Bunun üçün Azərbaycan çempionuna məğlubiyyətimizdə konkret təqsirkarlar axtarmağa dəyməz”.
#
#

ƏMƏLİYYAT İCRA OLUNUR