“Qarabağ”la oyun 2017-ci ilin ən uğurlu matçı seçilib

“Qarabağ”la oyun 2017-ci ilin ən uğurlu matçı seçilib
# 08 yanvar 2018 14:21 (UTC +04:00)

“Roma”nın ötən ildəki ən uğurlu və uğursuz oyunları açıqlanıb. Apasport.az saytı İtaliya mətbuatına istinadən xəbər verir ki, “canavarlar”ın Çempionlar Liqasında (ÇL) “Qarabağ”la keçirdikləri görüş də fərqləndirilib.

ÇL-in qrup mərhələsinin son turu çərçivəsində dekabrın 5-də “Olimpiko” stadionunda oynanılmış “Roma” – “Qarabağ” qarşılaşması (1:0) paytaxt klubunun 2017-ci ildəki ən uğurlu matçı hesab edilib. Məhz bu qələbə sayəsində Eusebio di Françeskonun yetirmələri qrupda birinci yeri tutaraq, adlarını 1/8 final mərhələsinə yazdırmışdılar. Romadakı oyunun ilk hissəsi qolsuz bərabərliklə başa çatsa da, 53-cü dəqiqədə Dieqo Perottinin qolu İtaliya təmsilçisinə qələbə qazanmışdı.

“Roma”nın ötən ildəki ən uğursuz görüşü isə ölkə kubokunun 1/8 final mərhələsi çərçivəsində dekabrın 20-də “Torino” ilə keçirilmiş matç hesab olunub. Bu qarşılaşma da “Olimpiko”da keçirilib və doğma meydanda gözlənilmədən məğlubiyyətlə (1:2) üzləşən “canavarlar” kubokla erkən vidalaşıblar.

Qeyd edək ki, “Roma” ÇL-in 1/8 finalında “Şaxtyor”la (Donetsk) üz-üzə gələcək.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR