Xarici siyasət

Ana səhifə

Xarici siyasət

Azərbaycan və NATO arasında Planlaşdırma və Analiz Prosesi çərçivəsində növbəti görüş keçirilib

13 iyun 2012 15:56 (UTC +04:00)

Bakı – APA. İyunun 12-də NATO-nun mənzil-qərargahında bəzi tərəfdaş dövlətlərin iştirakı ilə NATO və Azərbaycan arasında Planlaşdırma və Analiz Prosesi (PAP) çərçivəsində Siyasi və Tərəfdaşlıqlar Komitəsində növbəti görüş keçirilib. Azərbaycanın NATO yanındakı nümayəndəliyindən APA-ya verilən məlumata görə, görüş zamanı Azərbaycan Respublikasında aparılan müdafiə islahatları, qarşılıqlı əməkdaşlıq və NATO qüvvələri ilə uyarlılıq məsələləri müzakirə edilib və alyans əməliyyatlarına Azərbaycanın töhfəsi yüksək qiymətləndirilib.

Xatırladaq ki, bu görüş NATO ekspertlərindən ibarət qrupun cari ilin 9-13 aprel tarixlərində ölkəmizə səfərin nəticələrinə əsasən həyata keçirilib.

Görüşdə Azərbaycan Respublikasının Xarici İşlər Nazirliyi, Müdafiə Nazirliyi, Dövlət Sərhəd Xidməti, DİN Daxili Qoşunlar və NATO yanında nümayəndəliyin nümayəndələri iştirak ediblər.