Rio-2016: Nataliya Sinişin Azərbaycan yığmasının 10-cu medalını qazandırıb

<span style="color: red;">Rio-2016:  Nataliya Sinişin Azərbaycan yığmasının 10-cu medalını qazandırıb
# 18 avqust 2016 22:44 (UTC +04:00)

Bakı-APA. Rio-2016 Yay Olimpiya Oyunlarında qadın güləşçilərin yarışı başa çatıb. Apasport.az saytının məlumatına görə, Azərbaycan yığması son 3 dəst medal uğrunda mübarizədə 1 idmançı ilə təmsil olunub.

Anjela Doroqanın əvəzinə Olimpiadaya yollanan Avropa çempionumuz Nataliya Sinişin özü üçün doğma olan 58 kq çəki dərəcəsində deyil, 53 kq-da gücünü yoxlayıb.

Bakı-2015-in bürünc mükafatçısı olan ukraynalı Rioda 1/8 final mərhələsində debüt edib. O, dünya güləşinin əfsanəsi Saori Yoşida üz-üzə gəlib. 3 qat Olimpiya və 13 qat dünya çempionu olan yaponiyalı ilə qarşılaşma rəqibin qələbəsi ilə yekunlaşıb. Asiyalı görüşü 3:0 hesabı ilə xeyrinə bitirib.

Yoşida finala yüksəldiyinə görə, Sinişin təsəlliverici görüşlərə qatılıb.

O, bu görüşlərin ikinci raundunda seneqallı İzabelle Sambu ilə üz-üzə gəlib. Matçı fəal keçirən legioner güləşçimiz 4:0 hesablı qələbə ilə "bürünc"ə bir addım da yaxınlaşıb.

Mükafatçılar sırasına düşmək üçün isə venesuelalı Ancelika Arquello ilə görüş həlledici olub. Təmsilçimiz olduqca gərgin mübarizə şəraitində keçən qarşılaşmadan 2:1 hesabı ilə ayrılmağı bacarıb və bürünc medal qazanıb.

Qeyd edək ki, bu, Azərbaycan yığmasının Olimpiadada əldə etdiyi 10-cu mükafatdır. Millimiz 4 gümüş və 6 bürünc medal qazanıb.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR