Asiya

Ana səhifə

Asiya

Bağdadda ticarət mərkəzində 17 nəfər ölüb, girovlar azad edilib - YENİLƏNİB

Bağdadda ticarət mərkəzində 17 nəfər ölüb, girovlar azad edilib - <span style="color: red;">YENİLƏNİB

11 yanvar 2016 21:28 (UTC +04:00)

Bakı-APA. İraqın paytaxtında silahlı insident nəticəsində 17 nəfər ölüb.

APA-nın BBC-yə istinadən verdiyi məlumata görə, Bağdadda ticarət mərkəzinin qarşısında minalanmış avtomobil partladılıb.

Daha sonra silahlılar içəri daxil olaraq atəş açıb və insanları girov götürüblər. Polis ərazini əhatəyə alıb və girovların azad olunması istiqamətində xüsusi əməliyyat keçirilib.

Silahlılardan ikisi atışma zamanı məhv edilib. Daha iki terrorçunun “şəhid kəmərini” işə salması bir neçə girovun ölümünə səbəb olub. Digər girovlar azad olunub. Son məlumata əsasən, hazırda vəziyyət hüquq-mühafizə orqanlarının nəzarəti altındadır.

Qeyd edək ki, insidentə görə məsuliyyəti İŞİD terror qruplaşması öz üzərinə götürüb.

***

20:14

Bakı-APA. İraqın paytaxtı Bağdadda naməlum silahlılar çox sayda insanı girov götürüb.

APA-nın RİA Novosti agentliyinə istinadən verdiyi xəbərə görə, insident nəticəsində 7 nəfər ölüb.

İlkin məlumata əsasən, əvvəl ticarət mərkəzinin qarşısında minalanmış avtomobil partladılıb. Sonra isə silahlılar içəri daxil olaraq ticarət mərkəzində olan insanları girov götürüblər. Polis silahlıların üzərilərində “şəhid kəmər”lərinin olmasını güman edir. Reuters agentliyinin xəbərinə görə, hadisə nəticəsində 27 nəfər yaralanıb.