Bakı - APA. Oğurluq və soyğunçuluq maddələri ilə axtarışda olan şəxs tutulub.
Daxili İşlər Nazirliyinin mətbuat xidmətindən APA-ya verilən məlumata görə, Baş Cinayət Axtarışı İdarəsi, Abşeron RPİ və Ağdam RPŞ əməkdaşlarının həyata keçirdikləri əməliyyat-axtarış tədbirləri nəticəsində Cinayət Məcəlləsinin 177-ci (oğurluq) və 180-ci (soyğunçuluq) maddələri ilə axtarışda olan Ayhan Səfərov saxlanılıb. Aparılmış əməliyyat tədbirləri ilə onun Ağcabədi rayon sakini Elgün Hüseynovla birgə oktyabrın 15-də Elşən Hüseynova məxsus “VAZ-2104” markalı avtomobil qaçırması da müəyyən edilib. Həyata keçirilmiş tədbirlərlə E. Hüseynov da yaxalanıb. Aparılmış əməliyyat tədbirləri ilə onun oktyabrın 19-da Novxanı qəsəbə sakini Vüsal Abbasova məxsus evdən məişət əşyaları oğurladığı müəyyən edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
