Rəsmi Bakı: Aİ-nin "Binokl diplomatiyası”nın fəallığı narahatlıq doğurur

Rəsmi Bakı: Aİ-nin "Binokl diplomatiyası”nın fəallığı narahatlıq doğurur
# 12 fevral 2024 13:17 (UTC +04:00)

Aİ-nin Monitorinq missiyası mahiyyət etibarilə müxtəlif Avropa rəsmilərinin, habelə qeyri-rəsmi nümayəndə heyətlərinin sərhəd bölgələrinə səfərlərinin təşkilinə töhfə verən “binokl diplomatiyası”nın agentinə çevrilib.

APA xəbər verir ki, bu barədə XİN-in məlumatında bildirilib.

“İstisnasız olaraq, bu qəbildən olan bütün səfərlərdən Azərbaycana qarşı nifrətin yayılması, habelə əsassız Azərbaycanofobiyanın genişləndirilməsi üçün istifadə olunur.

"Binokl diplomatiyası”nın bu fəallığının sərhəd boyunca indiyədək görülməmiş sakitliyin hökm sürdüyü, habelə həm Azərbaycanın, həm də Ermənistanın ciddi etimad quruculuğu tədbirləri həyata keçirdiyi bir zamanda müşahidə olunmasının xüsusilə narahatlıq doğurur”, - məlumatda qeyd edilib.

Qeyd edək ki, Avropa İttifaqının (Aİ) Azərbaycan Respublikasındakı səfiri Peter Mixalko Xarici İşlər Nazirliyinə çağırılıb. Görüş zamanı Aİ-nin Ermənistandakı Monitorinq Missiyasının əldə olunmuş ilkin razılıqlara zidd olan fəaliyyətinin ciddi narahatlıq doğurduğu bir daha diqqətə çatdırılıb.

#
#

ƏMƏLİYYAT İCRA OLUNUR