Fransa mətbuatı Heydər Əliyev Fondunun mədəni abidələrin bərpasına göstərdiyi humanitar yardımdan yazıb

Fransa mətbuatı Heydər Əliyev Fondunun mədəni abidələrin bərpasına göstərdiyi humanitar yardımdan yazıb
# 20 noyabr 2012 19:22 (UTC +04:00)

Bakı-APA. Gündəlik nəşr olunan “Le Perche” qəzetində Heydər Əliyev Fondunun Fransada bir çox mədəni abidənin bərpası ilə əlaqədar göstərdiyi humanitar yardım barədə məqalə dərc olunub.

APA-nın AzərTac agentliyinə istinadən verdiyi xəbərə görə, “Azərbaycandan gələn yardımlar” sərlövhəli məqalədə birinci xanım Mehriban Əliyevanın prezidenti olduğu Heydər Əliyev Fondunun Bellu kilsəsinin vitrinin bərpasına yardım göstərməsi yüksək qiymətləndirilib.

Məqalədə deyilir: “Qafqazın neftlə zəngin ölkəsinin birinci xanımının rəhbərlik etdiyi Heydər Əliyev Fondu Perşdə, həmçinin dünyada bir çox mədəni abidələrin bərpasına yaxından yardım göstərmişdir”.

Məqalədə senator Natali Qulenin ölkəmizlə bağlı fikirləri də yer alıb. Senator xanım Azərbaycan prezidenti İlham Əliyevin ölkədə mədəniyyət sahəsində uğurlu siyasət apardığını, Vatikanda kitabların nömrələnməsinə və Strasburqdakı katedral kilsənin vitrinin bir hissəsinin bərpasına yardım göstərdiyini diqqətə çatdırmışdır.

Natali Qule Ornda orqan musiqi alətinin bərpası ilə əlaqədar Fonda etdiyi müraciətə diqqətlə yanaşıldığını və bu məqsədilə yardım edildiyini bildirib və bunu iki ölkə arasında mədəni sahədə əməkdaşlığın inkişafını təsdiqləyən fakt kimi səciyyələndirib.

Məqalədə yəhudi mənşəli senator təklifi ilə müsəlman ölkəsinin xristian mədəni irsinin bərpasına yardım ayırması mədəniyyətlərarası dialoqun inkişafının təzahürü kimi dəyərləndirilir.

Senator xanım bildirib ki, Azərbaycanın tolerantlıq, mədəniyyətlərarası dialoq təcrübəsi bir çox başqa ölkələrə örnək ola bilər.

#
#

ƏMƏLİYYAT İCRA OLUNUR