Bakıda qonşular arasında dava zamanı bir nəfəri bıçaqlamaqda şübhəli bilinən şəxs saxlanılıb.
Bu barədə APA-nın sorğusuna cavab olar Daxili İşlər Nazirliyindən bildirilib.
Qeyd olunub ki, əməli törətməkdə şübhəli bilinən Vüsal Məhəmmədli saxlanılıb.
"Xəsarətlərin dərəcəsini müəyyən etmək məqsədilə müvafiq ekspertiza təyin olunub. Hazırda ərazi üzrə polis orqanında araşdırma aparılır", - deyə nazirlikdən bildirilib.
***
19.05.2024
Saat 22:58
Bakının Sabunçu rayonunda iki qonşunun davası bir qadının ağır xəsarətinə səbəb olub.
APA xəbər verir ki, hadisə Balaxanı qəsəbəsində qeydə alınıb.
Sözügedən qəsəbədə küçədə iki qonşu qadın əlbəyaxa olublar.
Həmin vaxt onların qonşusu 1978-ci il təvəllüdlü Əliyeva Rübabə Teyyub qızı onları sakitləşdirmək istəyib.
Tərəflər arasında davanın qarşısını almaq istəyən R.Əliyeva boğaz nahiyyəsindən bıçaqlanıb.
Yaralı Sabunçu Tibb Mərkəzinə yerləşdirilib.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
