DYP "Qarabağ”-Braqa” oyununa görə azarkeşlərə müraciət edib

DYP "Qarabağ”-Braqa” oyununa görə azarkeşlərə müraciət edib
# 22 fevral 2024 10:21 (UTC +04:00)

Bakı şəhər Baş Dövlət Yol Polisi İdarəsi “Qarabağ” və Portuqaliyanın “Braqa” klubları arasında bu gün keçiriləcək oyunu izləməyə gələn azarkeşlərə müraciət edib.

İdarədən APA-ya verilən xəbərə görə, müraciətdə deyilir:

"Bu gün doğma komandamız “Qarabağ” və Portuqaliyanın “Braqa” klubları arasında keçiriləcək oyunu izləməyə gələn futbol azarkeşlərindən ictimai nəqliyyata üstünlük vermələri xahiş olunur.
Tofiq Bəhramov adına Respublika Stadionunda saat 21:45-də keçirilməsi nəzərdə tutulan futbol yarışı ilə əlaqədar azarkeşlərin, eləcə də digər hərəkət iştirakçılarının rahat və təhlükəsiz hərəkəti üçün müvafiq tədbirlər görülüb.
Bununla yanaşı, idman arenasına paralel və kəsişən küçələrdə hərəkətin təhlükəsizliyinin və fasiləsizliyinin təmin olunması, süni sıxlıqların yaranmaması üçün azarkeşlərdən oyunu izləməyə gələrkən şəxsi avtomobillərdən mümkün qədər az istifadə etmələri, ərazidə metronun “Gənclik” stansiyasının yerləşdiyini, avtobus marşrutlarının geniş şəbəkəsinin mövcudluğunun nəzərə alaraq, ictimai nəqliyyata üstünlük vermələri xahiş olunur".

#
#

ƏMƏLİYYAT İCRA OLUNUR