Ucarda fərdi yaşayış evi yanıb.
APA -nın yeri bürosunun xəbərinə görə, hadisə bu gün rayonun Şahlıq kəndində qeydə alınıb.
Kənd sakini, 1984-cü il təvəllüdlü Əlvan Əlizadə oğlu Mirzəliyevə məxsus ümumi sahəsi 300 kvadratmetr olan ikimərtəbəli, 8 otaq, 2 mətbəxdən ibarət olan ev əşyaları ilə birlikdə tamamı ilə yanıb. Hadisə yerinə Fövqəladə Hallar Nazirliyinin Ucar Rayon Yanğından Mühafizə Hissəsinin texnikası və canlı qüvvəsi cəlb olunub. Yanğın söndürülüb . Yaxındaki tikililərə yanğının keçməsinin qarşısı alınıb.
Hadisə zamanı ölən və xəsarət alan olmayıb.
Yanğının hansı səbəbdən baş verməsi hələlik məlum deyil.
Fakt araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
