Bakı. Fərahim Qasımov – APA. Avqustun 24-nə keçən gecə paytaxtın Nəsimi rayonunda bir ailənin 3 üzvünün xəsarət alması ilə nəticələnən yol qəzası baş verib. APA-nın məlumatına görə, hadisə rayonun Əbdülvahab Salamzadə küçəsində qeydə alınıb.
Abdullayev Elçin idarə etdiyi nəqliyyat vasitəsi ilə adıçəkilən küçə ilə yüksək sürətlə hərəkətdə olan zaman qəflətən idarəetməni itirib. Nəticədə avtomobil yolun hərəkət zolağından çıxaraq yol kənarındakı daş arakəsməyə çırpılıb. Qəza zamanı avtomobildə olan bir ailənin üç üzvü - Abdullayeva Nigar, onun övladı, 3 yaşlı Abdullayev İlkin və sürücü Abdullayev Elçin ağır bədən xəsarətləri alıblar. Hadisə yerinə dərhal təcili tibbi yardım heyəti gələrək xəsarət almış şəxsləri 1 saylı Kliniki Xəstəxanaya çatdırıb. Eyni zamanda, əraziyə yol patrul xidmətinin əməkdaşları gələrək hadisə ilə bağlı ilkin araşdırma aparıblar. Xəstəxanadan bildiriblər ki, yaralıların vəziyyəti ağırdır. Qəza nəticəsində avtomobil yararsız vəziyyətə düşüb və evakuator vasitəsilə ərazidən uzaqlaşdırılıb.
Faktla bağlı Nəsimi Rayon Polis İdarəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
