Şəmkir. Azər Məmmədli – APA. Bu ilin yanvar ayında Şəmkirin Qaracəmirli kəndində poçt binasından oğurluq edən iki nəfər saxlanılıb. Şəmkir rayon Polis Şöbəsinin müstəntiqi Nemət Cəfərovun APA-nın qərb bürosuna verdiyi məlumata görə, oğurluq hadisəsi bu ilin yanvarın 26-da baş verib. Naməlin şəxs və ya şəxslər poçt binasından 3218 manat pul aparıblar. Aparılan əməliyyat tədbirləri nəticəsində oğurluqda şübhəli bilinən Qaracəmirli kənd sakinləri 1984-cü il təvəllüdlü Elvin Babayev və 1985-ci il təvəllüdlü Elçin İsmayılov saxlanılıb.
Faktla bağlı Şəmkir rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
