Alina Kabayeva: “Azərbaycan millisinin çıxışı çox xoşuma gəlir”

alina kabayeva azerbaycan millisinin cixisi cox xosuma gelir

“Azərbaycanda bədii gimnastikanın inkişafına ciddi şəkildə fikir verilir. Şübhəsiz ki, bu da azərbaycanlı gimnastların nəticələrində özünü göstərir”. Apasport.az saytı xəbər verir ki, bu sözləri bədii gimnastika üzrə rusiyalı olimpiya çempionu Alina Kabayeva deyib.

 

34 yaşlı dünya və Avropa çempionu Azərbaycanda idmanın gimnastika növünün inkişafından danışıb. O bildirib ki, yığmamızın heyətində istedadlı məşqçilər və xoreoqraflar işləyir: “Bakıda möhtəşəm Milli Gimnastika Arenası inşa edilib. Azərbaycandakı bütün idman yarışları yüksək səviyyədə keçirilir. Əbəs yerə Beynəlxalq Gimnastika Federasiyası bədii gimnastika üzrə qitələrarası hakim kurslarını Bakıda keçirməyi qərara almayıb. Bu, 4 ildən bir baş tutur”.

 

Ötən ildən “Sport Ekspress”in Direktorlar Şurasının sədri kimi çalışan Kabayevanın sözlərinə görə, ölkəmizdə gimnastikanın artıq öz üslubu yaranıb: “Azərbaycan millisi ifadəliliyi və emosionallığı ilə fərqlənir. Onların çıxışı çox xoşuma gəlir. Düşünürəm ki, yeni olimpiya dövründə azərbaycanlı gimnastlar yaxşı nəticələr göstərəcəklər”.

 

“Moskva-Baku” nəşrinə müsahibəsində maraqlı fikirlər səsləndirən Rusiya Dumasının sabiq deputatı yığmamızın lideri Marina Durunda haqda da danışıb: “Böyük potensialı var, hələ də onu tam olaraq, aça bilməyib. Rio Yay Olimpiya Oyunlarında Marinanın bəxtinin gətirməməsi fikri ilə razılaşmıram. Axı o, çoxnövçülük üzrə yarışlarda final mərhələsinə yüksəlib, ən yaxşı 10 idmançının sırasına düşməyi bacarmışdı”.

 

Kabayeva Azərbaycan Gimnastika Federasiyasının prezidenti Mehriban Əliyevanın ölkəmizdə bu idman növünün inkişafında xüsusi rolu olduğunu vurğulayıb: “O, gimnastika üçün çox şey edib. Azərbaycanda bədii gimnastika Mehriban Əliyevanın əməyi nəticəsində çox yüksək səviyyəyə çatıb. Təkcə istəmək və maddi imkanın olması uğur qazanmaq üçün yetərli deyil. Eyni zamanda, işi düzgün qurmaq, hər şeyi nəzarətdə saxlamaq və vaxtında müəyyən dəyişikliklər etmək lazımdı”. 

BÖLMƏDƏN DİGƏR XƏBƏRLƏR

XƏBƏR LENTİ

09:12 23 Avqust
TOP 5

VİDEO XƏBƏRLƏR

FOTO XƏBƏRLƏR

  • bakida qadin yanginda olub
    Bakıda qadın yanğında ölüb
  • bakida cerime meydancasinda avtomobiller qaret edilib
    Bakıda cərimə meydançasında avtomobillər qarət edilib
bakida cerime meydancasinda avtomobiller qaret edilib bakida cerime meydancasinda avtomobiller qaret edilib +2
MƏZƏNNƏ
FOREX
/ 23 Avqust, 2017

USD
1.7009
 
EUR
2.0003
 
RR
0.0288
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ