Dmitri Nazarov: “Bir-birimizi gözüyumulu başa düşürük”

dmitri nazarov bir birimizi gozuyumulu basa dusuruk

“Komandamızın hücum xəttinin cari mövsümə inamlı başlaması təsadüf deyil”. Apasport.az saytı xəbər verir ki, bu sözləri Azərbaycan yığmasının futbolçusu Dmitri Nazarov deyib.

 

27 yaşlı yarımmüdafiəçinin çıxış etdiyi “Aue” klubu Almaniyanın II Bundesliqasında növbəti görüşünü bu gün keçirəcək. Aue şəhərinin eyniadlı təmsilçisi VIII tur çərçivəsində “Sandhauzen”i qəbul edəcək.

 

Komandanın Sören Bertram, Paskal Köpke və Dmitri Nazarovdan ibarət hücum triosu cari mövsümdə pis təsir bağışlamır. Bertram 3 qol vurduğu halda, Köpke və Nazarov hərəyə 2 dəfə rəqib qapısına yol tapıb.

 

Almaniya mətbuatına açıqlama verən Nazarov qarşıdakı matçlarda da məhsuldar oyun sərgiləməyə çalışacaqlarını bildirib: “Biz qolları təsadüfi şəkildə vurmuruq. Bir-birimizi gözüyumulu başa düşürük. Hansı məqamda necə davranacağımız məlumdu. Hücum xəttində digər 2 futbolçunun necə davranacağını, boş zonaya nə vaxt açılacağını, hansı sürətlə qaçacağını hər birimiz bilirik. Meydandakı anlaşmamız əladı. Birgə oynamağımız bizi şənləndirir. “Sandhauzen”lə görüşdə də qollarımızı davam etdirməyə çalışacağıq”.

 

“Aue” – “Sandhauzen” matçı Bakı vaxtı ilə 20:30-da start götürəcək.

 

Qeyd edək ki, Nazarovun komandası 7 oyundan sonra 10 xal toplayıb və turnir cədvəlinin 9-cu pilləsində qərarlaşıb.  

BÖLMƏDƏN DİGƏR XƏBƏRLƏR

XƏBƏR LENTİ

19:09 09 Dekabr
TOP 5

VİDEO XƏBƏRLƏR

FOTO XƏBƏRLƏR

  • qaradagda yangin olub
    Qaradağda yanğın olub
  • bakida tikilmekde olan bina ucub
    Bakıda tikilməkdə olan bina uçub
bakida tikilmekde olan bina ucub bakida tikilmekde olan bina ucub +2
MƏZƏNNƏ
FOREX
/ 11 Dekabr, 2017

USD
1.7
 
EUR
1.9995
 
RR
0.0287