Almaniyalı şahmatçının Azərbaycan millisində oynaması rəsmiləşib

Bakı – APA. Beynəlxalq Şahmat Federasiyası (FİDE) yeni reytinq cədvəlini açıqlayıb. Apasport.az saytının məlumatına görə, avqust üçün müəyyənləşən “Top-100”də 3 Azərbaycan şahmatçısı yer alıb.

Həmyerlilərimizdən ən yaxşı nəticə yenə Teymur Rəcəbova məxsusdu. Ötən ayla müqayisədə 1 pillə geriləyən qrossmeysterimiz ilk “20-liyi” qapayır. Onun aktivində yenə 2738 xalı var.

 

Rəcəbovdan fərqli, Azərbaycan millisinin lideri Şəhriyar Məmmədyarov mövqeyini qoruyub. Aktivində 2735 reytinq xalı olan şahmatçımız yenə 22-cidi.

 

FİDE avqustdan Arkadi Naydiçin də yığmamızda iştirakına rəsmən icazə verib. Bunadək Almaniyanı təmsil 30 yaşlı qrossmeyster beynəlxalq qurumun yeni açıqladığı reytinq siyahısında da məhz Azərbaycan millisinin üzvü kimi təqdim olunub. Aktivində 2685 xalı olan Latviya əsilli şahmatçı 56-cı pillədə qərar tutub.

 

Reytinq siyahısına yenə Maqnus Karlsen başçılıq edir. Norveçli şahmatçı 2853 xala malikdi. İkinci yeri Vişvanatan Anand (2816, Hindistan), üçüncü pilləni isə Veselin Topalov (Bolqarıstan, 2816) tutur.

 

Qeyd edək ki, qadınların cədvəlində isə ən güclü 100 şahmatçı arasında Azərbaycan təmsilçisi yer almayıb.

 

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • azerbaycan misir hokumetlerarasi komissiyasinin iclasi kecirilib
    Azərbaycan-Misir hökumətlərarası komissiyasının iclası keçir...
  • bakida iki avtomobil toqqusub
    Bakıda iki avtomobil toqquşub
bakida iki avtomobil toqqusub bakida iki avtomobil toqqusub +2
MƏZƏNNƏ
FOREX
/ 22 Fevral, 2018

USD
1.7001
 
EUR
2.0865
 
RR
0.03