Cavid Qurbanov: “Yığmamız mükafatçılar sırasında yer almağa qadirdi”

cavid qurbanov yigmamiz mukafatcilar sirasinda yer almaga qadirdi

Azərbaycan Voleybol Federasiyasının (AVF) prezidenti Cavid Qurbanov milli komanda ilə görüşüb. Apasport.az saytının məlumatına görə, qurum rəhbəri təlim-məşq toplanışından qayıdan komandanın hazırkı durumu ilə maraqlanıb.

 

O bildirib ki, ölkəmiz sentyabrın 22-də start götürəcək qadın voleybolçular arasında Avropa çempionatını ən yüksək səviyyədə təşkil etməyə çalışacaqlar. Qurbanov komandamızın mükafat qazanacağına da inam ifadə edib.

 

Federasiya rəhbərinin sözlərinə görə, Faiq Qarayevin baş məşqçisi olduğu yığma mükafatçılar sırasında yer almaq gücündədi: “Sizinlə Sloveniyada təlim-məşq toplanışından qayıtdıqdan sonra ilk görüşümüzdü. Komandaya inanıram, güclüdü. Azərbaycan üçün Avropa çempionatına ev sahibliyi etmək böyük uğurdu. Biz də çalışırıq ki, yarışı yüksək səviyyədə təşkil edək. Amma əsas yük sizin üzərinizdədi. Nəticə qazanmağa çalışmaq lazımdı. Yığmamız mükafatçılar sırasında yer almağa qadirdi. Komandada Faiq Qarayev kimi böyük mütəxəssis olduğundan bunu bacaracağınıza inanıram”.

 

AVF-in vitse-prezidenti, eyni zamanda yığmanın baş məşqçisi Faiq Qarayev komandanın hazırkı durumundan danışıb. O bildirib ki, Maribordakı hazırlığın və yoxlama oyunlarının milliyə böyük faydası oldu: “Sloveniyada uzun müddət təlim-məşq toplanışı keçdik. Komandamızda bəzi zədəli oyunçular vardı. Onların formaya düşməsi üçün xüsusi proqram tərtib etdik. Bizim üçün çox böyük məsuliyyətdi ki, Azərbaycan Avropa çempionatına ev sahibliyi edir. Biz də yaxşı nəticə əldə etməyə çalışacağıq. Qarşıda komandamızı yoxlama matçları gözləyir. Komandanın yaxşı nəticə əldə etməsi üçün əlimdən gələni edəcəm”.

 

Qeyd edək ki, Avro-2017 Azərbaycan və Gürcüstanda təşkil olunacaq. A qrupunda yer alan millimiz Polşa, Almaniya və Macarıstanla gücünü yoxlayacaq. 

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • berlinde azerbaycanda alman meskenlerinin salinmasinin 200 illiyi ile elaqedar tedbir kecirilib
    Berlində Azərbaycanda alman məskənlərinin salınmasının 200 i...
  • qubada ayi ovlayan sexsler saxlanilib
    Qubada ayı ovlayan şəxslər saxlanılıb
qubada ayi ovlayan sexsler saxlanilib qubada ayi ovlayan sexsler saxlanilib +2
MƏZƏNNƏ
FOREX
/ 22 Noyabr, 2017

USD
1.7002
 
EUR
1.9963
 
RR
0.0287