Hadisə

Ana səhifə

Hadisə

Narkotik vasitələrin qaçaqmalçılığında təqsirləndirilən Cəlilabad sakinlərinə hökm oxunub

14 yanvar 2010 15:12 (UTC +04:00)

Bakı. Ramil Məmmədli – APA. Bu gün Ağır Cinayətlərə Dair İşlər üzrə Məhkəmədə narkotik vasitələrin qaçaqmalçılığında təqsirləndirilən Cəlilabad sakinləri Niyaməddin Musayev və Yaşar Hüseynova hökm oxuyub. APA-nın məlumatına görə, hakim Əfqan Hacıyevin sədrliyi ilə keçirilən prosesdə məhkəmə təqsirləndirilənlərin cinayətlərinin sübuta yetirildiyi qənaətinə gəlib. Hökmə əsasən Yaşar Hüseynov 10 il, Niyaməddin Musayev isə 9 il müddətinə azadlıqdan məhrum edilib.

İttihama görə, 2009-cu il iyulun 27-də gecə saatlarında Azərbaycan İran sərhədində dövlət sərhədlərinin pozulmasına cəhd olunub. Sərhədi pozmağa cəhd göstərənlər öz məqsədlərinə çatmaq üçün Cəlilabad rayonunun Məlikqasımlı kəndi yqaxınlığındakı sərhəd məntəqəsini seçiblər. Sərhədi pozmağa cəhd göstərən 2 nəfər dövlət sərhəd xidməti əməkdaşlarının havaya xəbərdarlıq atəşi açmasına baxmayaraq dayanmaq tələblərinə riyayyət etməyib. Hayata keçrilən axtarış tədbirləri nəticəsində taxıl zəmisində iki nəfər sərhəd pozucusu yaralı vəziyyətdə aşkar olunub. Onlara zəruri tibii yardım göstərilib. Sərhd pozucularından 1 kloqram narkotik maddə olan həşiş qətranı aşkar olunaraq götürülüb. Sərhəd pozucularının əvvələr məhkum olunan Cəlilabad rayon sakini 54 yaşlı Yaşar Hüseynov və 20 yaşlı Niyaməddin Musayev olduğu müəyyən olunub. Hər iki şəxs keçirilən əməliyyat axtarış tədbirləri nəticəsində saxlanılıb.