Narkotik vasitələrin qaçaqmalçılığı ilə məşğul olan İran və Azərbaycan vətəndaşlarına hökm oxunub

Narkotik vasitələrin qaçaqmalçılığı ilə məşğul olan İran və Azərbaycan vətəndaşlarına hökm oxunub
# 11 may 2010 10:10 (UTC +04:00)
Bakı. Ramil Məmmədli – APA. Bu gün Ağır Cinayətlərə dair İşlər üzrə Məhkəmədə narkotik vasitələrin qaçaqmalçılığı ilə məşğul olan İran və Azərbaycan vətəndaşlarından ibarət mütəşəkkil dəstə üzvlərinə hökm oxunub. APA-nın xəbərinə görə, hakim Əlisultan Osmanovun sədrliyi ilə kerçirilən prosesdə məhkəmənin hökmü ilə təqsirləndirilən İran vətəndaşı Qulamrza Rəhman Acar, Azərbaycan vətəndaşları Ədalət Hüseynov, Mənsur Ağayev, Seyfulla Mehbalıyev 15 il və Əhməd Səfərov isə 12 il müddətinə azadlıqdan məhrum edilib.

Qeyd edək ki, adıçəkilən təqsirləndirilənlər 2009-cu il yanvarın 6-da Dövlət Gömrük Komitəsinin Astara rayon şöbəsinin əməkdaşları tərəfindən saxlanılıblar.

Onlar Cinayət Məcəlləsinin 234-cü (qanunsuz olaraq qabaqcadan əlbir olan bir qrup şəxs tərəfindən və ya mütəşəkkil dəstə tərəfindən, külli miqdarda narkotik vasitələri, psixotrop maddələri və ya prekursorları hazırlama, istehsal etmə, əldə etmə, saxlama, daşıma, göndərmə və ya satma) və 206-cı (qaçaqmalçılıq) maddələri ilə ittiham olunublar.
#
#

ƏMƏLİYYAT İCRA OLUNUR