Məhkəmə rəqqasə Fatiməni cərimələyib

Məhkəmə rəqqasə Fatiməni cərimələyib
# 06 yanvar 2011 14:06 (UTC +04:00)
Bakı. Ülkər Qasımova – APA. 1 saylı Bakı İqtisad Məhkəməsində Nərimanov rayon Dövlət Sosial Müdafiə Fondunun (DSMF) rəqqasə Fatimə Fətəliyeva (göyçək Fatimə) qarşı iddiası əsasında məhkəmə prosesi başa çatıb. Məhkəmədən APA-ya verilən xəbərə görə, prosesdə DSMF-nun iddiası təmin olunub. Məhkəmə borcun ödənilməsi barədə qətnamə çıxarıb. Qətnaməyə əsasən rəqqasə Fatimə sözügedən quruma olan 1431 manat borcunu ödəməlidir.

Qeyd edək ki, Nərimanov rayon DSMF-u aylıq sosial sığorta haqqını ödəmədikləri üçün
şou-biznesinin üç tanınmış simasını - Vasif Məhərrəmli, rəqqasə Fatiməni və Xatirə İslamı məhkəməyə vermişdi. Müğənni Vasif Məhərrəmli qarşı olan iddia əsasında məhkəmə prosesi başa çatıb və məhkəmə müğənninin iddiada göstərilən borcu (1431 manat) ödəməsi barədə qərar qəbul edib.

Müğənni Xatirə İslam isə borcunun ödəyəcəyinə söz verib və Nərimanov rayon DSMF-u iddiasını geri götürüb.
#
#

ƏMƏLİYYAT İCRA OLUNUR