Hadisə

Ana səhifə

Hadisə

Xalq artisti Səyavuş Aslanın vəziyyəti ağır olaraq qalır

06 avqust 2011 08:30 (UTC +04:00)

Bu barədə APA-ya açıqlamasında Klinik Tibbi Mərkəzin baş həkimi Tərlan Bəbirov məlumat verib. O, qeyd edib ki, xalq artistinin nitqində problemlər var: “Xəstənin beyninə qan sızıb. Bunun əlamətləri hələ də özünü göstərir. Burada yaş amili də var. Onu deyə bilərəm ki, xəstənin səhhətində yaxşılığa doğru ciddi irəliləyiş müşahidə olunmur, amma vəziyyət pisliyə doğru da getmir. Ümid edirik ki, sevimli aktyorumuzun vəziyyəti tezliklə stabilləşəcək”.

Baş həkim bildirib ki, Səyavuş Aslan müalicəsi hazırda reanimasiya şəraitində davam edir.

Qeyd edək ki, avqustun 3-də Səyavuş Aslanın vəziyyəti qəflətən pisləşib və o, 4 saylı şəhər xəstəxanasına yerləşdirilib. Avqustun 4-də isə aktyor Klinik Tibbi Mərkəzə köçürülüb.