Hadisə

Ana səhifə

Hadisə

3 yol qəzasında 5 nəfər ölüb

03 noyabr 2007 12:06 (UTC +04:00)

Noyabrın 3-də Gəncə şəhəri, Qax rayonu və Bakının Binəqədi rayonu ərazisində ölümlə nəticələnən yol-nəqliyyat hadisələri baş verib. Daxili İşlər Nazirliyinin mətbuat xidmətindən APA-ya verilən məlumata görə, Gəncə şəhərində şəhər sakini Ələstun Allahverdiyev idarə etdiyi “VAZ-21011” markalı avtomaşını yolun kənarında dayanan “Sitra” markalı avtomaşına vurub. Nəticədə Ə. Allahverdiyev hadisə yerində keçinib, xəsarət almış sərnişini, həmyerlisi Emil Quliyev isə xəstəxanaya yerləşdirilib.
Qax rayonunun Tanqıt kəndində Ağdam rayon sakini Camal Cəfərov idarə etdiyi “VAZ-21012” markalı avtomaşını aşırıb. Nəticədə C. Cəfərov və sərnişini - 25-30 yaşlı kişi hadisə yerində vəfat edib, xəsarət alan digər sərnişinləri - Bərdə rayon sakini Natiq Mürsəlov, Ağdam rayon sakini Yasin Əliyev və 30-35 yaşlı kişi xəstəxanaya yerləşdirilib.
Binəqədi rayonu ərazisində isə Füzuli rayon sakini Elməddin Hüseynovun idarə etdiyi “Kamaz-5511” markalı və Qızıldaş qəsəbə sakini Əli Xəlilovun idarə etdiyi “Mercedes” markalı avtomaşınlar toqquşub. Nəticədə Ə. Xəlilov hadisə yerində, sərnişini - 25-30 yaşlı kişi isə xəstəxanaya aparılarkən yolda ölüblər. Hər üç faktla bağlı araşdırmalar aparılır. /APA/